គម្រោងគាំទ្រសហគមន៍

កម្មវិធី ជនគម្រូ

គាំទ្រ និងលើកកម្ពស់សុខុមាលភាពរបស់កុមារ និងយុវជន ដែលកំពុងស្នាក់នៅក្នុងមណ្ឌលថែទាំជំនួសចំពោះកុមារ កុមារ និងយុវជនដែលបានចាកចេញពីមណ្ឌលថែទាំជំនួស និងកុមារងាយរងគ្រោះនៅក្នុងសហគមន៍ ដើម្បីទប់ស្កាត់ការបែកចេញពីគ្រួសារ លើកកម្ពស់ការបង្រួបបង្រួម សមាហរណកម្មត្រឡប់ទៅគ្រួសារដើមវិញ ដោយផ្តោតលើការអភិវឌ្ឍផែនការជីវិត បំណិនជីវិត និងការការពារសិទ្ធិ និងឧត្តមប្រយោជន៍របស់ពួកគេ។

កម្មវិធី គាំទ្រយុវជននិងកុមារក្នុងសហគមន៍

ធ្វើការតាមរយៈយុវជននិងកុមារក្នុងក្រុមជំនុំដើម្បីពង្រឹងសមត្ថភាពអោយពួកគេអាចធ្វើការជាមួយគ្នា និង ចែករំលែកដល់កុមារក្នុងសហគមន៍និង ធ្វើការជាមួយនឹងក្រុមប្រឹក្សាកុមារដើម្បីលើកកម្ពស់ការចូលរួមរបស់កុមារ និងសម្លេងរបស់កុមារដែលងាយរងគ្រោះនិងកុមាររងគ្រោះ។

កម្មវិធី កិច្ចការពារកុមារក្នុងបរិបទគ្រប់គ្រងគ្រោះមហន្តរាយ និងភាពធន់នៃការប្រែប្រួលអាកាសធាតុ

ធ្វើការជាមួយនឹងក្រុមជំនុំដៃគូរ និងអាជ្ញាធរមូលដ្ឋានដែលជា គណៈកម្មការគ្រប់គ្រងគ្រោះមហន្តរាយថ្នាក់ឃុំ/សង្កាត់ដើម្បី ធ្វើការរួមគ្នាលើវិស័យកិច្ចការពារកុមារក្នុងបរិបទគ្រោះមហន្តរាយ។ គម្រោងបានជំរុញឱ្យក្រុមជំនុំ និងអាជ្ញាធរមូលដ្ឋាន៖

• មានជំនាញលើការប៉ាន់ប្រមាណហានិភ័យ និងសមត្ថភាពឆ្លើយតបក្នុងស្ថានភាពគ្រោះមហន្តរាយ
• យល់ដឹងឱ្យកាន់តែច្បាស់អំពីតួនាទីខ្លួនក្នុងការការពារកុមារ
• បង្កើតយន្តការសុវត្ថិភាពសម្រាប់កុមារដោយការធ្វើការជាជំរូវ និងបណ្តាញរួមគ្នា

កម្មវិធី ពង្រឹងគ្រួសារ តាមរយៈមុខរបរខ្នាតតូច និង ថ្នាក់គ្រប់គ្រងថវិការ

រកចំណូលតាមរយៈមុខរបរខ្នាតតូច, ពង្រឹងនិរន្តរភាពសេដ្ឋកិច្ច និង បង្កើនជំនាញគ្រប់គ្រងថវិកាដោយមានចំណេះដឹងត្រឹមត្រូវ។ តាមរយៈកម្មវិធីនេះ គ្រួសារត្រូវបានគាំទ្រដើម្បី៖

• មានជំនាញបង្កើត និងគ្រប់គ្រងអាជីវកម្មខ្នាតតូច ឲ្យមានប្រសិទ្ធភាព។
• មានសមត្ថភាពគ្រប់គ្រងចំណូល–ចំណាយ
• បង្កើនសមត្ថភាពក្នុងការថែទាំ ការការពារ និងគាំទ្រកុមារនៅក្នុងគ្រួសារ

អន្តរាគមន៍ឆ្លើយតបបន្ទាន់ចំពោះកុមាររងគ្រោះនិងកុមារងាយរងគ្រោះ ដើម្បីទប់ការបំបែកកុមារចេញពីគ្រួសារ

ការពារ និងគាំទ្រកុមារដែលរងគ្រោះ និងកុមារងាយរងគ្រោះ ដោយផ្តល់សេវាបន្ទាន់ និងការឧបត្ថម្ភចាំបាច់ ដើម្បី៖

• ទប់ស្កាត់ការបំបែកកុមារចេញពីគ្រួសារ
• ធានាថាកុមារទទួលបានសុវត្ថិភាព ការការពារ និងសិទ្ធិរបស់ពួកគេ,
• ជួយអោយគ្រួសារអាចថែរក្សាកុមារបានក្នុងបរិយាកាសសុវត្ថិភាព និងមានគាំទ្រ។